Pyar Ki Tasbeeh Novel By HS Complete | ZNZ

🌙

✨ Pyar Ki Tasbeeh ✨

” شادی سے انکار کی وجہ۔۔؟؟ ” مصطفی نے گھورتے ہوئے پوچھا۔ ” آپ مجھ سے بڑے ہیں اور آپ کی مونچھیں بھی ہیں۔۔” اس کے معصومانہ جواب پر وہ ایک لمحہ ٹھہر کر بولا۔” تو کیا ہوا لڑکے اچھے لگتے ہیں اس میں۔۔” اسے بس راضی کرنا تھا اس سولہ سالا اپنی کزن کو جسے وہ بچپن سے پسند کرتا آیا تھا۔ ” نہیں مجھے کورین لڑکے پسند ہیں اور۔۔۔” ” شٹ اپ مولوی صاحب جب آئیں شرافت سے ہاں بول دینا۔۔۔ ” غصے میں کہتا وہ اسے خوفزدہ کر گیا، مصطفی اپنی طرف سے میرال کو سمجھانے آیا تھا لیکن الٹا اسے دھمکا کر چلا گیا۔۔۔۔ میرال تیزی سے اپنے بال سلجھانے کی کوشش کر رہی تھی اونچی پونی ٹیل بنائے سفید یونیفارم میں ملبوس گلے میں دوپٹہ لٹکائے وہ کالج جانے کے لیے تیار تھی سفید یونیفارم میں میرال کی خوبصورتی مزید نکھر کر سامنے آجاتی اپنی اونچی پونی ٹیل کو ادھر ادھر لہراتے وہ باہر مین گیٹ تک پہنچ رہی تھی کہ پیچھے سے رعب دار آواز پر یکدم رکی سامنے کھڑا مصطفی اسے خون خوار نظروں سے گھو رہا تھا۔۔۔۔ پھر دانت پیستے ہوئے بولا۔۔ ” کہاں جا رہی ہو؟؟ ” پہلے تو میرال تھوڑا سا ڈر گئی لیکن پھر ہمت کر کے بولی۔۔ ” ظاہر ہے روز اس ٹائم میں کالج آتی ہوں تو کالج ہی جاؤں گی نا۔۔۔ ” مصطفی کو میرال کے اس انداز پر اور طیش آیا۔۔۔ ” یہ کیا طریقہ ہے کالج جانے کا ڈھنگ سے سر پر دوپٹہ لو اور پھر جانا ابھی تمہاری کالج کی وین آنے میں پانچ منٹ باقی ہیں یوں سڑک پر منہ اٹھا کر نہ کھڑی ہو جایا کرو لو سر پہ دوپٹا اور ماسک لگاؤ۔۔” میرال برے برے سے منہ بناتے ہوئے مصطفی کی ہدایات پر عمل کرنے لگی اسے اپنا یہ کھڑوس کزن بالکل بھی نہیں پسند تھا ویسے تو مصطفی بھائی ٹھیک ٹھاک نظر آتے تھے لیکن میرال کو لگتا کہ وہ بس اس پر غصہ کرنے کے لیے ہی اس کے سامنے آتے ہیں میرال ایک چلبلی سی لڑکی تھی اس کی زندگی بہت خوشگوار گزر رہی تھی اس کے چندی مشغلے تھے پڑھائی کا بے حد شوق تھا اب تک لازمی اول ہی آتی رہی تھی دوسرا شوق کورین ڈرامے دیکھنے کا تھا جب سے کچھ ہوش سنبھالا تھا تب سے وہ کورین ڈرامے دیکھنے لگی تھی اور کورین لڑکے اسے بےحد پسند تھے دل میں سوچتی تھی کہ وہ بڑی ہو کر کسی کوریا کے لڑکے سے ہی شادی کرے گی اور لان میں لگے جھولے پر جھولے جھولنا اور ماں سے اپنی پسند کے کھانے بنوا کر کھانا اور اپنی دوستوں سے گپ شپ کرنا بھی اس کے پسندیدہ مشکلوں میں شامل تھا مصطفی اس کے چچا کا ایکلوتا بیٹا تھا جبکہ میرال کے تین بھائی تھے اور وہ اکلوتی بہن دونوں کے گھر ساتھ ساتھ ہونے کی وجہ سے اکثر گھر کے افراد ایک دوسرے کے گھر پائے جاتے۔۔ مصطفی سب کزنز میں سب سے بڑا اور روبدار قسم کا انسان تھا کوئی نہیں جانتا تھا کہ اس کا دل میرال کی محبت میں دھڑکتا ہے۔۔۔۔۔۔